Форма входа

Друзья сайта

Наш опрос

Оцените наш сайт
Всего ответов: 109



На форуме: 1
Гостей: 1
Пользователей: 0


Среда, 14.11.2018, 02:17
Приветствую Вас Гость | RSS
Духовный жемчуг ДРЕВЛЕПРАВОСЛАВИЯ
Главная | Регистрация | Вход
Материалы сайта


Главная » Статьи » Святоотеческое наследие » Святитель Иоанн Златоуст

В СУБОТУ ПЕНТИКОСТНУЮ, ПОУЧЕНИЕ СВЯТАГО ИОАННА ЗЛАТОУСТАГО, ЕЖЕ НЕ ПЛАКАТИСЯ О УМЕРШИХ

Лепо с разумом разсмотряя все деяти, ни о умерших много плакати, ни влас терзати, ни лиц драти, якоже невернии творят, имже не быти с Богом. Верным же о тех скорбь имети, аще кто без покаяния умрет: о таковем бо ни приноса в церковь несть достойно приносити. Плакати же о скупых и о богатых, иже не скорбят о души в животе своем. Аще же кто жив сыи щедр, и податлив бысть, то и по смерти даяние за него, велико пособие души есть. О том Давыд пророк глаголет, блажен человек, иже имением своим душу свою избавит от  муки. И паки рече: благ муж щедря и дая. А немилостивым, немилостив суд будет. Того ради всяк да печется в животе о души своей, не родибося ни с кем же имение, яве есть, яко ни отнести может что умираяи, токмо со грехи отъидет света сего, а имение инем останется. О! человече, сотвори себе при животе память: едина ти есть душа, и едино жития время. Не глаголи, детем оставлю имение, тии мне память сотворят: не веси бо, кацы будут дети, или каково время постигнет; имение бо реце подобно есть. Всяк бо постяся и пекиися о спасении своем в житии сем, пользует душу свою. Мнози бо скупостию и злонравием лишаются Бога, и погубляют душу свою. Мнози же и при животе своем имения своего лишени быша. Сего ради в тихое время, даже беда не постигнет, отделяй имения душевную часть, доколе в твоей области есть, и устрояй на спасение души своей. О сем бо великии Дионисий глаголет: аще кто в животе имел скорбь о гресех, тому и по смерти много пособие души творимыми милостынями и молитвами. Аще ли неверныи умрет, иже в животе бысть враг Божии, таковому несть по смерти помощи, якоже Давыд глаголет, яко несть в смерти поминаяи Тебе, во аде же кто исповестьтися; тем вернии по силе дадим всяк по умерших, много бо верным душам пособие, еже за сих даяти маломощным, и еже за душа их попове и диякони молятся, и службы часто творят. Заповедано бо от святых Апостол о преставльшихся в Вере, во святей службе поминаемым быти, многа убо умершим польза. Се же о верных речено. А невернии умершие, недостойни поминовения, и никогда же по них несть достойно памяти творити. Почто же в мире сем за вся человеки мольбы творити повеле Бог? А мнози в мире  разбойницы, и татие, и прелюбодеи, и многа исполнени зла: но за вся рече живыя молитися, дабы в покаяние пришли: а невернии, дабы в Крещение пришли. О умерших же речено токмо о верных молитися: а неверный аще умрет, погибе надежда спасения его. Того бо ради и жалеют невернии умерших, яко не видети им славы Божия, ни радости святых. Слышите, что апостол Павел к солуняном пиша глаголет: братие, не велю вам не разумевати о умерших, да не скорбите, якоже и прочии не имущии упования: но веруйте, яко Христос умре, и оживе, тако и умершия возставит вся и приведет к Себе, и тако вернии всегда с Богом будем. Саддукеям же, и неверным всем с Богом не быти, того ради окаяннии жалеют. Мы же вернии кождо о своих согрешениих попецемся, и не можем многи дни о умерших скорбети: но всяк о своей души да скорбит, готовя добрая дела, да живот вечныи приимем покаянием. Праведнии бо прейдут от смерти в живот: а грешник аще умрет, во тьме будет душа его до дне суднаго, праведных же душа во свете пребывают. Мнози убо тщеславия ради плачут, а отшед упиваются и кощуны деют. О! человече, аще истинною скорбиши, то в храме (т.е. в доме) своем плачи, не видящу тебе никому же, се есть поболение сердечное, се и тебе на пользу, о оном плача сам ся обрати-ши на покаяние, и страшны будут ти грехи.

Богу нашему слава, ныне и присно и во веки веком. Аминь.

Категория: Святитель Иоанн Златоуст | Добавил: Администратор (21.12.2007)
Просмотров: 848 | Комментарии: 1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]

Copyright MyCorp © 2018